ԶԼՄ-ներում շրջանառվող այն տեղեկությունը, թե Ռուսաստանը բողոքի նոտա է հղել Հայաստանին՝ կապված զենքի տենդերի չեղարկման հետ, որին մասնակցել է ռուսական ORSIS ընկերությունը, չի համապատասխանում իրականությանը: Այս մասին հաղորդում է ՏԱՍՍ գործակալությունը՝ վկայակոչելով իրավիճակին մոտ կանգնած աղբյուրին:
«Այդ հաղորդագրությունը չի համապատասխանում իրականությանը»,-ասել է գործակալության զրուցակիցը։
Ավելի վաղ «ՌԻԱ Նովոստի» ռուսական գործակալությունը հաղորդել էր, որ Մոսկվան բողոքի նոտա կհղի Երևանին՝ զենքի վաճառքի մրցույթի չեղարկման պատճառով:
Ուշագրավ է, որ ավելի ուշ «ՌԻԱ Նովոստին» վերախմբագրել է հրապարակումը՝ փոխարինելով «բողոքի նոտա» ձևակերպումը: Գործակալության վերախմբագրված հրապարակման մեջ ասվում է, որ Ռուսաստանը նամակ կուղարկի ՀՀ ՊՆ-ին՝ կապված զենքի վաճառքի մրցույթի չեղարկման հետ և կխնդրի նախարար Դավիթ Տոնոյանին պարզել իրավիճակը:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
