«Հելսինկյան նախաձեռնություն-92»-ի ԼՂՀ կոմիտեի համակարգող, արցախցի իրավապաշտպան Կարեն Օհանջանյանը ֆեյսբուքյան իր էջում գրել է.
«Այնպես ստացվեց, որ Ադրբեջանի հետ երկու պատերազմ ապրած մեր ժողովուրդն այսօր նոր փորձության ենթարկվեց՝ իր և ամբողջ բնակչության դեմ պատերազմի՝ անտեսանելի թշնամու հետ: Թշնամու հետ տարվող պայքարի բոլոր մտածված ձևերը վայրկենապես փոխվել են. որտե՞ղ գնալ, ու՞մ վրա կրակել, որտեղի՞ց սպասել վտանգը՝ ձախից, աջից, առջևից, ետևից, օդից, հողից: Հարցեր, որոնց պատասխաններն այսօր աշխարհում ոչ ոք չգիտի:
Որքա՞ն ենք անտեղյակ լինելու: Ինչքա՞ն են սահմանափակելու մեր հիմնական իրավունքները, ստիպված լինելու ապրել մեկուսացված, պահպանել սոցիալական հեռավորությունը: Ոչ ոք այս հարցերի պատասխանները չգիտի:
Ջարդուփշուր է եղել գիտակցությունն ու մարդկային ապրելակերպը: Անտեսանելի լավան փակում է աչքերը, մտքերը, քաղաքներ, պետություններ, մայրցամաքներ՝ ճանապարհին ոչնչացնելով բոլոր նրանց, ովքեր զգուշությանը հակառակ են գնում, չեն գիտակցում փորձության պահը, զբաղված են դեմագոգիայով, փնտրում են դավադրություն, չեն հասկանում և չեն ցանկանում հասկանալ ճշմարտությունը:
Կարդացեք նաև
Ավարտվեց բարոյականության, արդարության, իրավահավասարության, բարգավաճման դարը: Ամեն ինչ ընկղմվել է Լեթայի մեջ: Լինե՞լ, թե՞ չլինել՝ մարդկությանը, լինե՞լ, թե՞ չլինել մեր ազգին: Հռետորական հարց, որն, առաջին հերթին, ուղղված է նրանց, ովքեր ընդունում են որոշումներ և օժտված են լիազորություններով պահպանել գոնե այն, ինչ հնարավոր է պահպանել:
Մեր փոքր ազգի պահպանման համար կոչ եմ անում գործել անձնուրաց և հնարավորության սահմաններում լինել գթասիրտ: Ամեն…»:
