Մեծ հաճույքով ցույց կտամ 47 վայրկյան, թե ինչպես Հայաստանը դադարեց լինել բարեկամական երկիր Սոլովյովի համար, քանի որ այնտեղ ինձ են ցույց տալիս: Այս մասին հայտարարել է ռուս ընդդիմադիր, քաղաքական գործիչ Ալեքսեյ Նավալնին YouTube-ի իր ալիքում՝ անդրադառնալով հաղորդավար Վլադիմիր Սոլովյովի հայտարարությանը՝ ՀՀ Հանրային հեռուստատեսությամբ ցուցադրված ռեպորտաժի վերաբերյալ:
Նավալնին, ցուցադրելով Соловьёв LIVE հաղորդումից մի հատված, մասնավորապես ասել է. «Ահա այսպես մեր իտալացի Վալդեմարն ամոթանք է տվել ամբողջ Հայաստանին, կարծում եմ Հանրային հեռուստատեսությունում բոլորը իհարկե «ամաչում են»… չգիտեմ որտեղից եք վերցրել այդ տարբեր բաները, որը դուք հորինել եք, թե իբր ես ասել եմ հայերի մասին: Երբ խոսում ենք նացիստի մասին, դուք մի ամբողջ ֆիլմ եք նկարել՝ փառաբանելով Մուսոլինիին, և ինձ ներկայացնում եք որպես նացի՞ստ»:
Հիշեցնենք, որ Соловьёв LIVE հաղորդման ժամանակ Սոլովյովն ասել է, որ Հայաստանի հանրային հեռուստաընկերությունը Ռուսաստանում սահմանադրական փոփոխությունների վերաբերյալ ռեպորտաժի ժամանակ ցույց է տալիս «նացիստ» Ալեքսեյ Նավալնիին, որը «ատում է հայերին և Հայաստանը»։
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
