Հեռուստաաստղ Քիմ Քարդաշյանը կոչ է արել օգնել Հայաստանում կորոնավիրուսի համավարակից տուժած փոքր բիզնեսին: Այս մասին նա գրառում է կատարել Facebook սոցիալական ցանցի իր էջում:
«Հայաստանի աջակցության հիմնադրամը դրամահավաք է նախաձեռնել Հայաստանում՝ COVID-19-ի պատճառով տուժած փոքր բիզնեսներին օգնելու համար։
Ֆինանսական օգնության հասանելիությունը ոչ միշտ է մատչելի, ինչի պատճառով մի շարք փոքր, ընտանեկան ձեռնարկություններ հայտնել են, որ ստիպված են եղել կրճատել արտադրությունը մինչև 90%, ինչպես նաև աշխատանքից ազատել աշխատակիցներին»,- #SupportArmenia հաշթեգով գրել է Քարդաշյանը՝ հորդորելով նվիրաբերություն կատարել Հայաստանի աջակցության հիմնադրամին։
Պատրաստեց՝ Վիկտորյա ԱՆԴՐԵԱՍՅԱՆԸ