Մոսկվայի «Ֆուդ Սիթի» մեծածախ առևտրային կենտրոնում ծավալված «ծիրանային պատերազմից» անցել է մոտ երկու ամիս, սակայն, հայկական բեռնատարների հետ կապված խնդիրը այդպես էլ լուծում չի ստացել:
«Հայկական խանութների վրա փակցված ցուցանակները ոնց երկու ամիս առաջ հանել են տվել, այդպես էլ թույլ չեն տալիս փակցնել: Հայկական համարներով բեռնատարներներին ոնց արգելում էին շուկայի տարածք մտնել, այդպես էլ արգելում են: Մեքենաները փակում են համարները ու նոր են մուտք գործում տարածք»,- ՀԺ-ի հետ զրույցում ասաց «Երևան Ֆուդ» խանութի աշխատակից Արտյոմ Ղուկասյանը:
Հարցին, թե ո՞րն է պատճառը, որ այս երկու ամսվա ընթացքում ոչ մեկը չէր բարձրաձայնում խնդիրը, եթե այն դեռ լուծված չէ, Արտյոմն ասաց, իրենք համբերատար սպասել են, քանի որ տարբեր՝ համայնքային ու պետական կառույցներից խոստումներ են տվել, թե շուտով ամեն ինչ կկարգավորվի:
«Մեզ ասել են երկար չի տևի, համբերեք, զբաղվում ենք: Հիմա երկու ամիս է անցել, ոչ մի փոփոխություն: Խանութների վրա ցուցանակ չկա, գովազդ չենք կարողանում անել, արդյունքում գնորդ չունենք, առևտուրը կանգնած է»:
Կարդացեք նաև
Նաիրա ԲԱՂԴԱՍԱՐՅԱՆ
Մոսկվա
Հոդվածն ամբողջությամբ՝ «Հայկական ժամանակ» օրաթերթի այսօրվա համարում:
