Ռուսաստանի նախագահ Պուտինը ողջունել է Հայաստանի վարչապետի և Բաքվի նախագահի միջև պատերազմի դադարեցման վերաբերյալ համաձայնությունը, որի մասին Հայաստանի հանրությունը տեղեկացել է նոյեմբերի 9-ի գիշերը և առ այս պահը շարունակում է գտնվել շոկային ազդեցության ներքո, հաշվի առնելով այն բովանդակությունը, որ կա պայմանագրում: Բովանդակության մասին խոսվել է շատ և, անկասկած, դեռ առիթներ լինելու են դրա մասին խոսելու: Ուշադրության արժանի է, սակայն, մի հանգամանք: Դրանում չկա անդրադարձ ահաբեկիչների մասին, այն ահաբեկիչների, որ ըստ անգամ ՌԴ արտաքին հետախուզական ծառայության ղեկավար Նարիշկինի ստույգ հավաստիացման, ներկրվել են արցախյան հակամարտության գոտի մերձավորարևելյան ռեգիոնից: Նարիշկինը հայտարարում էր, որ այդ տվյալները միանգամայն հավաստի են և իրենց են հասել մի քանի տարբեր հատուկ ծառայություններից: Եռակողմ համաձայնագրում չկա որևէ խոսք, թե ինչ պետք է լինի ահաբեկիչների հետ: Նրանց ոչնչացնելո՞ւ են, նրանց ճանապարհելո՞ւ են իրենց երկրներ, նրանց տեղափոխելու են Բաքո՞ւ, նրանց որևէ բան անելո՞ւ են:
Արամ Ամատունի
Հոդվածն ամբողջությամբ՝ «Ժամանակ» օրաթերթի այսօրվա համարում:
