«Այստեղ հարցն այն չէ, թե Հայաստանի պաշտոնյաներն ինչպես պետք է անեն»,-խորհրդարանում լրագրողների հետ ճեպազրույցում այսօր անդրադառնալով հայ ռազմագերիների վերադարձի խնդրին՝ ասաց «Իմ քայլի» պատգամավոր, ԱԺ արտաքին հարաբերությունների հանձնաժողովի փոխնախագահ Հովհաննես Իգիթյանը։
«Կարծում եմ՝ այստեղ Ռուսաստանն ավելի մեծ դեր պետք է ունենա, որովհետեւ հնարավորություններով, Արցախում գտնվող խաղաղապահ ուժերի առկայությամբ, Բաքվում գտնվող իր դիվանագետների միջոցով կարող է ավելի խիստ լինել, որովհետեւ ՌԴ ստորագրությունը զուտ ստորագրություն չէ, այլ որոշակի պարտավորություն»-համոզմունք հայտնեց նա։
Հովհաննես Իգիթյանի խոսքով․ «Եթե Ռուսաստանի ուժը չի պատում, մենք պետք է օգնենք նրան՝ ունենալով նաեւ միջազգային աջակցություն այդ հարցում։ Ես գիտեմ, որ ՀՀ իշխանությունն այդ ուղղությամբ աշխատում է։ Իմ կարծիքով՝ դա մի զանգի հարց է․ Պուտինի կողմից կոշտ, կտրուկ զանգ Ալիեւին այն մասին, որ Ադրբեջանը խոսք է տվել գերիների վերադարձը»։
Կարդացեք նաև
Լուիզա ՍՈՒՔԻԱՍՅԱՆ
