Վենետիկի հանձնաժողովը և ԵԱՀԿ/ԺՀՄԻԳ-ը հրատապ միասնական կարծիք են հրապարակել Հայաստանում ընտրական օրենսգրքի փոփոխությունների և հարակից օրենսդրության վերաբերյալ:
Ուսումնասիրելով դրանց և դրանց մշակման գործընթացի համապատասխանությունը միջազգային չափանիշներին` կազմակերպությունները եզրակացրել են, որ փոփոխությունները «լայնորեն ողջունելի են», քանի որ համապատասխանում են նախկինում արված առաջարկություններին, բայց դեռ բարելավման տեղ ունեն:
Նոր փոփոխությամբ վերացվում են ռեյտինգային թեկնածուների ցուցակները՝ ստեղծելով համամասնական ընտրակարգ: Վենետիկի հանձնաժողովը և ԺՀՄԻԳ-ը գոհունակությամբ նշում են, որ բարեփոխումն անցել է տարբեր քաղաքական ուժերի, քաղաքացիական հասարակության և փորձագիտական համայնքի հետ լայն խորհրդակցությունների միջով՝ պատշաճ ժամկետում:
Վենետիկի հանձնաժողովը և ԵԱՀԿ / ժՀՄԻԳ-ն ընդունել են ի գիտություն, որ այս փոփոխությունները ենթադրաբար կկիրառվեն առաջիկա արտահերթ խորհրդարանական ընտրությունների ժամանակ, որոնք նախատեսվում են մոտավորապես 2021թ. հունիսի 20-ին՝ մոտ 3 ամսից: Այնուամենայնիվ նշել են, որ ընտրություններին այդքան մոտ տեղի ունեցող ցանկացած օրենսդրական փոփոխությունից պետք է սկզբունքորեն խուսափել, քանի որ դա անորոշության է հանգեցնում: Բացի այդ, հասարակությունը և բոլոր շահագրգիռ կողմերը պետք է սեղմ ժամկետներում հարմարվեն նոր կանոններին: Թեկնածուների տարածքային ցուցակների վերացումը ըստ էության չի փոխում ընտրական համակարգը, բայց, կարծես, ֆորմալ կերպով փոխում է ձայները մանդատների վերածվելու մեթոդը: Այնուամենայնիվ, համամասնական ընտրակարգի պարզեցումը, կարծես, ունի լայն աջակցություն քաղաքական ուժերի և քաղաքացիական հասարակության շրջանում: Բացի այդ, զուտ տեխնիկական առումով, նոր համակարգը կարծես թե մեծ ազդեցություն չունի ո՛չ ընտրական ադմինիստրացիայի՝ այդպիսի ընտրություններ կազմակերպելու կարողության, ո՛չ էլ ընտրողների կողմից ընթացակարգերի ընկալման վրա, ասվում է միասնական կարծիքում:
Կարդացեք նաև
Վենետիկի հանձնաժողովը և ԵԱՀԿ / ԺՀՄԻԳ-ը կատարել են հետևյալ հիմնական առաջարկությունները`ուղղված այդ փոփոխությունների կատարելագործմանը.
Վերանայելով ընտրական շեմերին վերաբերող դրույթները, որոնք հասկանալի չեն. Որոշները իջեցվել են, իսկ մյուսները բարձրացվել՝ առանց հստակ հիմնավորման:
Պարզաբանել «կեղծ տեղեկատվություն» հասկացությունը, որպեսզի այն չխոչընդոտի օրինական նպատակներին, օրինակ ՝ հետաքննող լրատվամիջոցներին, խեղդի քաղաքական բանավեճը:
Ընդլայնել իրավական կարգավիճակը՝ հնարավորություն տալու համար ընտրողներին բողոքներ ներկայացնել ընտրությունների արդյունքների դեմ:
Հստակեցնել «կոպիտ խախտման» իմաստը, որը կարող է որպես հիմք ծառայել ընտրատարածքային և տեղամասային ընտրական հանձնաժողովի անդամի լիազորությունների վաղաժամկետ դադարեցման համար:
Ավելի երկար ժամկետներ տրամադրել վերահաշվարկի դիմում ներկայացնելու համար:
Առաջիկա արտահերթ խորհրդարանական ընտրությունների նպատակով ԵԱՀԿ / ԺՀՄԻԳ-ը և Վենետիկի հանձնաժողովը նաև խորհուրդ են տալիս արտակարգ իրավիճակներում, ներառյալ համաճարակային ժամանակաշրջանում ընտրություններ անցկացնելու համար նախօրոք սահմանված հատուկ միջոցառումներ նախատեսել օրենքում կամ ենթաօրենսդրական տեքստերում:
Պատրաստեց՝ Վիկտորյա ԱՆԴՐԵԱՍՅԱՆԸ
Վենետիկի Հանձնաժողովը մինչ այսօր հավանություն է տվել և Սահմանադրության և ընտրական օրենսգրքի փոփոխությունների բոլոր նախագծերին ,բայց միևնույնն է,բոլոր նոր եկողները ձեռնամուխ են եղել նոր փոփոխությունների և կրկին ստացել են հավանություն,այնպես որ դա մեծ ձեռքբերում միք համարի…..