2009 թվականից առ այսօր ՀՀ քրեական օրենսգրքի 300.1 հոդվածով (Սահմանադրական կարգի տապալում) մեղադրանք է առաջադրվել 5 անձի: Տեղեկությունը ՀԺ-ի հարցմանն ի պատասխան տրամադրել են ՀՀ գլխավոր դատախազությունից:
Դատախազությունից հայտնում են նաեւ, որ հետախուզման մեջ գտնվող մեկ մեղադրյալի վերաբերյալ գործով դատավարական ղեկավարում իրականացնող դատախազի կողմից վարույթն իրականացնող մարմնին տրվել է ցուցում առաջադրված մեղադրանքը (ՀՀ ՔՕ 300.1 հոդվածը) վերաորակելու եւ նոր մեղադրանք առաջադրելու հարցը լուծելու նպատակով կատարել անհրաժեշտ քրեադատավարական գործողություններ:
Խոսքը 2008-ի մարտի 1-ի իրադարձությունների ժամանակ ՀՀ պաշտպանության նախարարի պաշտոնը զբաղեցրած Միքայել Հարությունյանի մասին է: Նա այժմ գտնվում է հետախուզման մեջ:
ՀՀ Հատուկ քննչական ծառայությունից հետաքրքրվեցինք՝ վերաորակվե՞լ է Հարությունյանի մեղադրանքը: «Մեղադրանքը վերաորակելու ուղղությամբ կատարվում են անհրաժեշտ քննչական եւ դատավարական գործողություններ` ՀՀ քրեական դատավարության օրենսգրքով սահմանված կարգով»,- պատասխանեց ՀՔԾ խոսնակ Մարինա Օհանջանյանը:
Կարդացեք նաև
Հոդվածն ամբողջությամբ՝ «Հայկական ժամանակ» օրաթերթի այսօրվա համարում
