15 հայ ձերբակալվածների վերադարձը Հայաստան և Հայաստանի կողմից Ադրբեջանին տեղեկատվության փոխանցումը, որը կնպաստի ականազերծման կարևոր գործին, վստահության կառուցման ողջունելի միջոցառումներ են: Այս մասին հայտարարել է ԵԱՀԿ գործող նախագահ, Շվեդիայի արտգործնախարար Անն Լինդեն:
«Այս կարևոր քայլերը կողմերին ավելի մոտ կդարձնեն երկխոսությանը, կայունությանը և համապարփակ կարգավորմանը»,- ասել է Լինդեն:
Նա շնորհակալություն է հայտնել Վրաստանի և ԱՄՆ կառավարություններին՝ արժեքավոր աշխատանքի համար, ինչպես նաև ընդգծել ԵՄ խորհրդի նախագահի և ԵԱՀԿ Շվեդիայի նախագահության գերազանց համագործակցությունը: «Այդ զարգացումները կենսական քայլ են Հարավային Կովկասում տարածաշրջանային գործակցության համար»,- ասել է Լինդեն:
Նա կոչ է արել Հայաստանին ու Ադրբեջանին հենվել այդ դրական քայլերի վրա՝ ազատ արձակելով ձերբակալվածներին և վերսկսելով բարձր մակարդակի բանակցությունները՝ ԵԱՀԿ Մինսկի խմբի հովանու ներքո:
Կարդացեք նաև
Պատրաստեց՝ Վիկտորյա ԱՆԴՐԵԱՍՅԱՆԸ
