Լրահոս
Օրվա լրահոսը

Քննարկվել է Վիշեգրադյան քառյակի փորձը Հայաստանում՝ բարեփոխումների առաջխաղացման ուղղությամբ

Հունիս 16,2021 21:44

Հունիսի 16-ին կայացավ Միջազգային վիշեգրադյան հիմնադրամի օժանդակությամբ իրականացված «Վիշեգրադյան քառյակի փորձը Հայաստանում բարեփոխումների առաջխաղացման համար» ծրագրի ամփոփումը:

ՔՀԿ փորձագետ Վիկտորյա Մելքոնյանը ներկայացրեց «Տեղեկատվական հասարակության ձևավորումը և էլեկտրոնային կառավարման արդյունավետ գործարկումը՝ Հայաստանում մասնակցային ժողովրդավարության զարգացման գրավական» վերլուծությունը, այնուհետև Առողջապահության տնտեսագետների ասոցիացիայի նախագահ Սամվել Խարազյանը և առողջապահության նախկին փոխնախարար Ավետ Գրիգորյանը ներկայացրեցին «Հայաստանի առողջապահության համակարգը. անցյալից դեպի ապագա» վերլուծությունը։

Քննարկմանը մասնակցել են ոլորտների փորձագետներ և պաշտոնատար անձինք։

Ամփոփելով ծրագիրը, Քաղաքականության հետազոտական կենտրոնի փոխնախագահ Արմեն Գրիգորյանը հակիրճ ներկայացրեց ծրագրի արդյունքները՝ մասնավորապես նշելով, որ բացի մինչ այդ ներկայացրածներից, ծրագրի շրջանակում հրապարակվել էր իր հեղինակած «Կենտրոնական Եվրոպայի երկրների քաղաքականությունը» հոդվածը, ինչպես նաև վերլուծություններ քաղաքացիական անվտանգության ոլորտի բարեփոխման և կայուն էներգետիկայի զարգացման հեռանկարների վերաբերյալ, և շնորհակալություն հայտնեց նաև դրանց հեղինակներին՝ սահմանադրական իրավունքի մասնագետ Արտաշես Խալաթյանին և Էներգախնայողության աջակցման հիմնադրամի տնօրեն Աստղինե Պասոյանին, նաև լեհ, հունգարացի, չեխ և սլովակ փորձագետներին, որոնց մասնակցությամբ սեմինարները մեծապես նպաստել էին կատարված վերլուծություններին, ինչպես նաև ՔՀԿ թիմին և միջոցառման մասնակիցներին։

Միջոցառումը եզրափակվեց ընդունելությամբ և ոչ ֆորմալ քննարկմամբ՝ Սլովակիայի փոխդեսպան Պավոլ Պոպյակի և Լեհաստանի դեսպանատան առաջին քարտուղար Կշիշտոֆ Բարտչակի մասնակցությամբ։

Քաղաքականության հետազոտական կենտրոն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունիս 2021
Երկ Երե Չոր Հնգ Ուրբ Շաբ Կիր
« Մայիս   Հուլ »
 123456
78910111213
14151617181920
21222324252627
282930