Արտակարգ իրավիճակների նախարարության Վանաձորի փրկարար ծառայության հրշեջ–փրկարար Զորիկ Պողոսյանը սահմանեց համաշխարհային եռակի ռեկորդ։ Նա 200 կգ ծանրաձողը ուսերին , նստած դիրքով պահեց 7 վայրկյան, որից հետո բարձրացավ, 10 անգամ կքանստելով ու բարձրանալով։
Ի դեպ, 31-ամյա դյուցազունը նոր ռեկորդը սահմանեց Չարենացավանում կիրակի՝ օգոստոսի 8-ին կայացած մարզամշակութային միջոցառման ժամանակ, որը նվիրված էր Արցախյան երկրորդ պատերազմում զոհված հերոսների հիշատակին։ Զորիկը իր ռեկորդը նվիրեց հերոսներին։ Նշեմ, որ Զորիկ Պողոսյանը ուժային եռամարտի աշխարհի եւ Եվրոպայի եռակի չեմպիոն է, «Դյուցազնագրքի» կրկնակի ռեկորդակիր։
Լուսանկարները տրամադրել է Զորիկ Պողոսյանը։
Կարդացեք նաև
Արմեն ԴԱՎԹՅԱՆ
