Աբովյանում համայնքապետի ընտրություններին մասնակցելու հայտ է ներկայացրել 4 քաղաքական ուժ՝ «Քաղաքացիական պայմանագիր», «Բարգավաճ Հայաստան», «Հայ Յեղափոխական Դաշնակցություն» և «Հանրապետություն» կուսակցությունները:
«Հայկական ժամանակը» ներկայացնում է՝ ովքեր են ներառված Աբովյանում «Քաղաքացիական պայմանագիր» կուսակցության համամասնական ցուցակում:
60 հոգուց բաղկացած ցուցակի առաջին համարը և համայնքապետի թեկնածուն Պավել Ցուգունյանն է՝ «Հայանտառ» ՊՈԱԿ-ի տնօրենը: Նրան հաջորդում է շրջակա միջավայրի նախարարության գլխավոր քարտուղար Գրիգոր Գուլյանը, որը, ի դեպ, 2018-ի Աբովյանի ընտրություններում ՔՊ քաղաքապետի թեկնածուն էր, սակայն չընտրվեց այդ պաշտոնում: Եռյակը եզրափակում է «Լայմեդ» ԲԿ-ի տնօրեն Նաիրա Մելիքյանը:
Ցուցակում ներառված են նաև մի շարք համայնքապետեր: Օրինակ՝ 4-րդ համարը ՔՊ ցուցակի Վերին Պտղնիի համայնքապետ Գևորգ Պողոսյանն է, 14-րդ համարը՝ Արամուսի համայնքապետ Հրաչյա Վարդանյանը, 32-րդ համարը՝ նույն համայնքի ղեկավարի տեղակալ Վոլոդյա Ղազարյանը, իսկ 55-րդ համարը Առինջ համայնքի ղեկավարի տեղակալ Հմայակ Ղազարյանն է:
Աբովյանի ՔՊ ցուցակն ամբողջությամբ՝ ստորև:
Հոդվածն ամբողջությամբ՝ «Հայկական ժամանակ» օրաթերթի այսօրվա համարում:
