Դավթաշեն վարչական շրջանի ղեկավար Միքայել Թումասյանը ֆեյսբուքյան իր էջում գրել է.
«Սիրելի՛ հայրենակիցներ,
Ստանձնել եմ պատգամավորական մանդատս և այսուհետ աշխատանքս շարունակելու եմ ՀՀ Ազգային ժողովում: Դավթաշեն վարչական շրջանի ղեկավարի պաշտոնում աշխատելու այս երեք տարիների ամեն օրն ինձ համար եղել է լավագույնն անելու ձգտում: Այդ պաշտոնը ստանձնել եմ պատասխանատվության մեծ զգացումով եւ այն ինձ համար եղել է նոր գաղափարների ու նախաձեռնությունների իրականացման շրջան:
Գնում եմ խորհրդարան՝ իրականացնելու մեր հայրենիքի զարգացման հետ կապված կարևոր ծրագրեր:
Կարդացեք նաև
Սիրելի՛ գործընկերներ, Դավթաշեն վարչական շրջանի սիրելի՛ բնակիչներ, ուզում եմ հայտնել Ձեզ իմ խորին շնորհակալությունը մեր աշխատանքը երկուստեք ճիշտ եւ արդյունավետ կազմակերպելու համար:
Շնորհակալություն եմ հայտնում Երևանի քաղաքապետ Հ. Մարությանին` վստահության եւ համատեղ աշխատանքի համար։
Շնորհակալություն»։
