2021 թվականին իրականացված օդային լուսանկարահանման արդյունքում ֆիքսված են մինչեւ 2021-ը կառուցված ինքնակամ շինությունները:
«Ժամկետ ենք սահմանել, որ ինքնակամ կառույցները հաշվառենք եւ դրանց հետագա ճակատագրի վերաբերյալ որոշում կայացնենք»,-կառավարության այսօրվա նիստում ասաց վարչապետ Նիկոլ Փաշինյանը՝ նշելով, որ Այսուհետ ցանկացած շինություն կառուցելիս պետք է լինի թույլտվություն ու նախագիծ: Ըստ նրա, առանց նախագծման որեւէ շինության կառուցումը Հայաստանի հանրապետությունում, արգելվում է:
«Այստեղ մեր հիմնական հարցը հետեւյալն է՝ ինչպես ենք կառավարելու ռիսկերը, որ այս ընթացքում ՀՀ-ում ինքնակամ կառույցների բում տեղի չունենա: Մինչեւ 2025-ի հունվարի 1-ը կարելի է անսահմանափակ քանակությամբ ինքնակամ կառույցներ ստեղծել: Այս ռիսկերը ոնց ենք կառավարելու»,-ասաց Փաշինյանը:
Նիստին ներկա Կադաստրի կոմիտեի ղեկավար Սուրեն Թովմասյանը հայտնեց, որ 2021 թվականին իրականացված օդային լուսանկարահանման արդյունքում ֆիքսված են մինչեւ 2021-ը կառուցված ինքնակամ շինությունները: Ի հավելումն Փաշինյանն ասաց. «Այսինքն՝ մենք երաշխիքներ ենք ստեղծում, որ եթե որեւէ մեկը կփորձի 2022-ին կառուցված ինքնակամ շինությունն օրինականացնել, մենք երաշխիքներ ենք ստեղծել, որ դա տեղի չի ունենա եւ այդ ինքնակամ շինությունը ենթակա կլինի քանդման»:
Կարդացեք նաև
Լուսինե ԲՈՒԴԱՂՅԱՆ
