«Այսօր դրված է Արցախի լինել-չլինելու հարցը, ՀՀ-ի ինքնիշխանության հարցը։ Արցախը չի լինելու Ադրբեջանի կազմում»,-Վազգեն Սարգսյանի անվան հանրապետական մարզադաշտում այսօր բարձրախոսով հայտարարեց ԱԺ նախկին պատգամավոր Նաիրա Զոհրաբյանը։ Նա մի քանի ցուցարարների հետ ներխուժել էր մարզադաշտ՝ «Փյունիկ-Նորավանք» խաղի ժամանակ ներկաների ուշադրությունը հրավիրելով դիմադրության շարժման օրակարգի վրա։ «Նիկոլ՝ դավաճան»,-բղավում էին ցուցարարները։ «Հանուն Հայաստանի եւ Արցախի՝ միացեք»,-կոչ արեց Նաիրա Զոհրաբյանը։ Ներկաներից մեկը նետեց․ «Սպորտը մի խառնեք քաղաքականության հետ»։ Նաիրա Զոհրաբյանը պատասխանեց․ «Սպորտը կապ չունի, բոլորս հայ ենք»։ Ապա ցուցարար երիտասարդներից մեկը վերցրեց Արցախի դրոշն ու վազելով ներխուժեց խոտածածկ տարածք՝ ծածանելով այն։
Լուիզա ՍՈՒՔԻԱՍՅԱՆ
