Մայիսի 4-ին «Գրադարանային համակարգ» ՀՈԱԿ-ը, համագործակցելով Երևանի Ս․ Խանզադյանի անվան հ 184 ավագ դպրոցի հետ, կազմակերպել էր 44-օրյա պատերազմին նվիրված «Անմահացան՝ հաղթանակը սրտում․․․» խորագրով հուշ-ցերեկույթ։
Հուշ-ցերեկույթին ներկա էին զոհված զինվորների ծնողները, Մալաթիա-Սեբաստիա վարչական շրջանի աշխատակազմի անդամները, վարչական շրջանի դպրոցների և մանկապարտեզների տնօրենները և այլք։
Մեկնարկը տրվեց «Տարոն» գեղագիտական կենտրոնի նկարչական խմբի սաների նկարների ցուցադրությամբ, որոնք վերջում սիրով նվիրվեցին հերոսածին մայրերին։
Այնուհետև «Գրքերն են խոսում» խորագրով գրքերի ցուցահանդեսում ներկայացվեցին 44-օրյա պատերազմին նվիրված և հրատարակված գրքեր, որտեղ հեղինակներ՝ Հասմիկ Բաբաջանյանը և Անահիտ Թադևոսյանը անձամբ ներկայացրեցին իրենց հեղինակային գրքերը։ Ալեն Մարգարյանի, Շանթ Նավոյանի և մյուս հերոսների մասին պատմող գրքերը ներկայացրեց գրադարանավար Քնարիկ Մանուկյանը։
Կարդացեք նաև
«Գոհար» սիմֆոնիկի մեներգիչներ՝ Գևորգ և Դավիթ Խաչատրյանների և հ 184 ավագ դպրոցի տաղանդավոր սաների սրտառուչ ելույթները դահլիճը պահեցին հուզումնալից մթնոլորտում։
«Գրադարանային համակարգ» ՀՈԱԿ-ը իր խորհին շնորհակալությունն է հայտնում զինվորների հերոսածին մայրերին, Մալաթիա-Սեբաստիա վարչական շրջանի ղեկավարությանը, կրթական և մշակութային կենտրոնների տնօրեններին՝ իրենց ներկայությամբ մեզ պատվելու համար։
Մալաթիա–Սեբաստիա «Գրադարանային համակարգ» (ՀՈԱԿ)
