Մայիսի 12-ին, ժամը 18։35-ին Կոտայքի մարզային ճգնաժամային կառավարման կենտրոն ահազանգ է ստացվել, որ Նոր Հաճնի կամրջի մոտակայքում տեղի է ունեցել ՃՏՊ․ կան արգելափակված քաղաքացիներ։
Դեպքի վայր են մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը:
Պարզվել է, որ բախվել են «BMW» և «Mitsubishi Pajero» մակնիշների ավտոմեքենաները. «BMW» մակնիշի ավտոմեքենայի մեկ ուղևոր տեղում մահացել է:
Փրկարարները հոսանքազրկել են ավտոմեքենաները, փակել գազի բալոնների փականները և «BMW» մակնիշի ավտոմեքենայից դուրս բերել չորս տուժածի, որոնցից երեքը հոսպիտալացվել են Աբովյան քաղաքի ԲԿ, որտեղ բժիշկները արձանագրել են երկու տուժածի մահը․ մեկ տուժած հոսպիտալացվել է Երևանի «Հերացի» թիվ 1 հիվանդանոցային համալիր։
Կարդացեք նաև
ԱԻՆ
