Առնվազն 12 երկրներում հաստատվել է կապիկի ծաղիկ հիվանդության ավելի քան 80 դեպք, 50-ը հետաքննության փուլում է։
ԱՀԿ-ն սերտորեն համագործակցում է կապիկի ծաղիկ հիվանդության դեմ պայքարող երկրների հետ, հրավիրվում են փորձագիտական խորհրդակցություններ՝ քննարկելու հիվանդության դեմ պայքարի և արագ արձագանքման ռազմավարությունները։
Հիվանդությունը հիմնականում տարածված է Կենտրոնական և Արևմտյան Աֆրիկայում, փոխանցվում է ֆիզիկական սերտ շփման և օդակաթիլային ճանապարհով։ Ինկուբացիոն շրջանը տևում է 5-21 օր, կապիկի ծաղիկի ախտանշաններն են ջերմությունը, գլխացավը, մեջքի և մկանների ցավը, դողը և ընդհանուր թուլությունը։
Ջերմությունից հետո կարող է ցան առաջանալ՝ սկզբում դեմքի, այնուհետև մարմնի այլ մասերի վրա, առավել հաճախ՝ ձեռքերի ափերին և ոտքերի ներբաններին:
