Ազգային ժողովում ընդդիմության հրավիրած արտահերթ նիստը չկայացավ: ԱԺ-ում ուժեղացված հսկողություն էր: Ժամը 16:00-ն էր, նիստը պետք է սկսվեր եւ «Հայաստան» խմբակցության պատգամավոր Էլինար Վարդանյանին նիստերի դահլիճ չէին թողնում՝ պատճառաբանությամբ, թե կին ոստիկան չկա, որ նրան ստուգի, անվտանգության նկատառումներով էլ առանց ստուգելու ներս չեն թողնի:
Ի վերջո, տևական ժամանակ սպասելուց հետո նրան ներս թողեցին:
A special sitting of the National Assembly was convened on the initiative of the NA deputies
Րոպեներ անց ընդդիմադիրները դուրս եկան նիստերի դահլիճից:
Կարդացեք նաև
Հայկ Մամիջանյան
«Պատիվ ունեմ» խմբակցության պատգամավոր Հայկ Մամիջանյանը լրագրողների հետ զրույցում հայտարարեց, որ լրագրողների գործունեությունը սահմանափակող օրենքի նախագիծ չէին բերել, «Սնդիկի մասին» նախագիծ չէին բերել, դրա համար էլ ՔՊ-ն չեկավ:
Հարցին՝ մայիսի սկզբին հայտարարել էիք, որ Նիկոլ Փաշինյանին մնացել է մի քանի օր, այդ մի քանի օրը չանցա՞վ՝ Մամիջանյանը պատասխանեց. «Ինձ համար բացարձակ տարբերություն չկա, թե ինչքան ժամանակ կպահանջվի՝ պայքարելու հայրենիքի համար: Դրանից հոգնել չկա»:
Ի դեպ, ընդդիմության արտահերթ նիստին ՔՊ-ն չնայած հայտարարել էր, որ չի մասնակցելու,ՔՊ պատգամավորներից մեկը՝ Էդգար Հակոբյանը, որը հավանաբար մոլորվել էր, մտել էր ներս: Ամենայն հավանականությամբ ԱԺ միջանցքով անցնելիս ստեսել էր նիստ է, մտել էր, հետո նկատել էր, որ յուրայինները չկան, շփոթահար դուրս եկել: Երբ հարցրեցինք, թե ի՞նչ գործ ուներ այդ նիստում՝ նա ցուցադրաբար հեռախոսն ականջին դնելով՝ հեռացավ՝ ցույց տալով, թե հեռախոսով է խոսում ու չի կարող պատասխանել:
Հռիփսիմե ՋԵԲԵՋՅԱՆ
