«Մենք ունենք ամբողջ Հայաստանի Հանրապետության կադաստրային քարտեզները։ Թե ինչ քարտեզներով է դա արվում, դա Կադաստրի կոմիտեի լիազորությունների շրջանակում չէ, իրավական հարցերի շրջանակում է»,-այս մասին այսօր կառավարության նիստից հետո լրագրողների հետ ճեպազրույցում ասաց Կադաստրի կոմիտեի ղեկավար Սուրեն Թովմասյանը (լուսանկարում)՝ անդրադառնալով հարցին, թե որ քարտեզների հիման վրա են արվելու սահմանազատման աշխատանքները։
Թովմասյանի խոսքով՝ ցանկացած խնդիր, որը պետք է լուծում ստանա, պետք է լուծում ստանա բացարձակապես իրավական հիմքերի վրա, այսինքն՝ իրավական հիմքերի վրա պետք է որոշվեն քարտեզները․ «Երբ որոշվի, որ իրավական հիմքերն այդ քարտեզներն են, դրանց հիման վրա Կադաստրի կոմիտեն իր լիազորությունների շրջանակներում կստանա համապատասխան հանձնարարականներ, կկատարի համապատասխան աշխատանքներ։ Սրանից դուրս որպես այդ կառույցի ղեկավար այլ բացատրություն չեմ կարող տալ»։
Սուրեն Թովմասյանը հավելեց՝ կոմիտեի նախագահի երկու տեղակալները ներգրավված են սահմանազատման հանձնաժողովի աշխատանքներին այնքանով, որքանով կադաստրի կոմիտեի լիազորություններն են։
Կարդացեք նաև
Նելլի ԲԱԲԱՅԱՆ
