«Ամերիկայի ձայն». ԱՄՆ նախկին նախագահը հեռուստաալիքին մեղադրում է զրպարտության մեջ և պահանջում 475 միլիոն դոլարի փոխհատուցում
ԱՄՆ նախկին նախագահ Դոնալդ Թրամփը, զրպարտության մեղադրանքով դատական գործ է հարուցել ընդդեմ CNN-ի, և 475 միլիոն դոլարի փոխհատուցում է պահանջել։ Նա պնդում է, որ հեռուստաընկերությունը իր դեմ «զրպարտության և ստի արշավ» է սկսել։
CNN-ը հրաժարվել է մեկնաբանել հայցը։
Թրամփը պնդում է, որ CNN-ն օգտագործել է իր դիրքը՝ որպես առաջատար լրատվական կազմակերպություն՝ իրեն պարտության ենթարկելու համար քաղաքականապես։ 29 էջանոց փաստաթղթում ասված է, որ հեռարձակողը երկար ժամանակ քննադատել է Թրամփին, սակայն վերջին ամիսներին ուժեղացրել է իր հարձակումները, քանի որ վախենում է, որ նա կրկին կառաջադրվի նախագահի պաշտոնում 2024 թվականին:
Կարդացեք նաև
«Իրենց համատեղ ջանքերի շրջանակներում… CNN-ը փորձեց արատավորել հայցվորին մի շարք ավելի սկանդալային, կեղծ և զրպարտչական պիտակներով՝ «ռասիստ», «ռուս ծառա», «ապստամբ» և, ի վերջո, «Հիտլեր», ասվում է հայցում։
Հայցում թվարկված են մի քանի դեպքեր, երբ CNN-ը Թրամփին համեմատել է Հիտլերի հետ, այդ թվում՝ հաղորդավար Ֆարիդ Զաքարիայի 2022 թվականի հունվարի հատուկ թողարկումը, որը ներառում էր գերմանացի բռնապետի կադրերը:
Հայցը տեղի է ունենում Դոնալդ Թրամփի առջև ծառացած զգալի իրավական մարտահրավերների պայմաններում, ներառյալ արդարադատության նախարարության քրեական հետաքննությունը գաղտնի փաստաթղթերի վերաբերյալ, որոնք հայտնաբերվել են նրա Մար-ա-Լագոյի տանը:
Անցյալ ամիս Նյու Յորք նահանգի գլխավոր դատախազ Լետիցիա Ջեյմսը դատի է տվել Թրամփին՝ իր ակտիվների վերաբերյալ բանկերին և ապահովագրական ընկերություններին կեղծ տեղեկության համար:
ԱՄՆ նախկին նախագահի գործունեությանը մեծ ուշադրություն է դարձրել նաև Ներկայացուցիչների պալատի հանձնաժողովը, որը հետաքննում է 2021 թվականի հունվարի 6-ին Թրամփի կողմնակիցների հարձակումը ԱՄՆ Կապիտոլիումի վրա՝ հատուկ ուշադրություն դարձնելով նախկին նախագահի դերակատարությանը։
Հոդվածը պատրաստվել է Reuters գործակալության նյութի հիման վրա
