Shamshyan.com. Երեկ՝ փետրվարի 27-ին, կրկնակի վրաերթ է տեղի ունեցել Երևանում։ Ժամը 17։15-ի սահմաններում Կոտայքի մարզի բնակիչ 45-ամյա Կարեն Ղազախյանը իր վարած Range Rover մակնիշի 555 LL 05 համարանիշի ավտոմեքենայով Զ․ Սարկավագի 106/1Բ շենքի դիմաց վրաերթի է ենթարկել հետիոտն, Երևանի բնակիչ 13-ամյա Գևորգ Ս-ին։
Ինչպես հայտնում է ֆոտոլրագրող Գագիկ Շամշյանը, վրաերթի հետևանքով երեխան շպրտվել է ու կրկնակի վրաերթի ենթարկվել Երևանի բնակիչ 46-ամյա Տիգրան Գալստյանի վարած Hyundai մակնիշի 0320Պ համարանիշի ավտոբուսի կողմից։
Վրաերթի ենթարկված երեխան մարմնական վնասվածքներով տեղափոխվել է «Սուրբ Աստվածամայր» բժշկական կենտրոն։
Գ․ Շամշյանի տեղեկություններով՝ Range Rover-ը պատկանում է հայտնի գործարար, «Շշի Մելո» մականվամբ՝ Մելիք Մանուկյանին, ավտոմեքենան էլ հաշվառված է նրան պատկանող «Սարանիստ» ՍՊԸ-ի հաշվեկշռում։ Իսկ ավտոբուսը հաշվառված է «Հարթ ուղի» ՍՊԸ-ի հաշվեկշռում։
Կարդացեք նաև
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով։
Նյութն ամբողջությամբ՝ սկզբնաղբյուր կայքում
