ՀՀ կառավարության այսօրվա նիստի ժամանակ մետրոյի Աջափնյակ կայարանի կառուցման վերաբերյալ ՏԿԵ նախարար Գնել Սանոսյանի խոսքը լրացնելիս՝ Երևանի փոխքաղաքապետ Տիգրան Ավինյանը հայտնեց, որ բացի Աջափնյակի կայարանից, քննարկում են նաև «Փեթակի» տարածքում գտնվող հատվածում ևս մեկ կայարան ստեղծելու հարցը:
«Քաղաքապետարանն առաջարկելու է շարունակական մետրոյի ծրագիր, որ մենք ամեն տարի ունենանք նոր կայարանների բացման ուղղությամբ կատարվող աշխատանքներ: Սա իրականում ամենաարդյունավետ ներդրումներից մեկն է ենթակառուցվածքների մեջ»,-ասաց նա:
Անդրադառնալով տրանսպորտային սխեմային՝ Ավինյանը նշեց, որ տրանսպորտային միասնական համակարգում հաշվի են առնվելու մետրոյի կայարանները: «Միայն Աջափնյակի կայարանի շահագործմամբ մետրոյում, մեր կանխատեսմամբ, ուղևորափոխադրումների քանակը 22 տոկոսով աճելու է: Այսինքն՝ մետրոն էական բեռ է վերցնում իր վրա և էականորեն թեթեւացնում է փողոցների ծանրաբեռնվածությունը»։
Կարդացեք նաև
Լուսինե ՄԱՐԳԱՐՅԱՆ
