«Ցանկացած բիզնես գործունեություն, որի շրջանառությունը չի անցնի տարեկան 30 մլն դրամը, պետք է ընդհանրապես ազատվի հարկերից, իսկ տարեկան մինչեւ 180 մլն դրամ շրջանառության դեպքում վճարի տարեկան 1 տոկոս շրջանառության հարկ։ Այս առաջարկը նախատեսվում է 10 տարվա համար». սա «Մայր Հայաստան» դաշինքի նախընտրական ծրագրից դրույթ է, որ դաշինքի քաղաքապետի թեկնածու Անդրանիկ Թեւանյանը քննարկել է տաքսու վարորդների հետ:
ՀՀ կառավարությունը, հիշեցնենք, 2024 թ-ի սեպտեմբերի 1-ից նախատեսում է մտցնել նոր հարկատեսակ, որը, ըստ շահառուների, կբարձրացնի տաքսի ծառայությունների գինը:
Անդրանիկ Թեւանյանը մանրամասնում է՝ տաքսի ծառայության լիցենզիան պետք է ներառի տեխզննումը, բժշկական վճարումը եւ անկանխիկ վճարման հնարավորությունը։ Սրանով կֆիքսվի շրջանառությունը եւ տրամաբանական կդառնա մինչեւ 30 մլն դրամ շրջանառության դեպքում հարկերից ազատելը, իսկ մինչեւ 180 մլն դրամի դեպքում՝ 1 տոկոս շրջանառության հարկ գանձելը։
Տաքսու վարորդներն էլ, որպես ընթացիկ խնդիր, առանձնացնում են նաեւ տաքսիների կայանման վայրերն այլ մեքենաների զբաղեցնելու դեպքում պատժի խստացումը։
Կարդացեք նաև
Մանրամասները՝ տեսանյութում
Նելլի ԳՐԻԳՈՐՅԱՆ
