Ավարտվեց Երեւանի ավագանու ընտրությունների քվեարկության ձայների հաշվարկը: Ըստ այդմ՝ իշխանական «Քաղաքացիական պայմանագիրը»՝ իշխանամերձ «Հանրապետություն» կուսակցության հետ միասին կստանան ընդամենը 32 մանդատ՝ 65-ից: Իսկ ընդդիմադիր երեք ուժերը, որոնք հաղթահարեցին անցողիկ շեմը՝ Հայկ Մարությանի ղեկավարած «Ազգային առաջընթացը», Անդրանիկ Թեւանյանի ղեկավարած «Մայր Հայաստանը» եւ «Հանրային ձայնը», որի փաստացի առաջնորդը «Դոգն» է, միասին կունենան 33 մանդատ:
Կմիավորվե՞ն արդյոք վերջին երեքը՝ ամենեւին միանաշանակ չէ: Միանշանակ է առնվազն երկու բան՝ 1/«Քաղաքացիական պայմանագրի» հանրային վստահության ահռելի անկումը՝ վարչական ռեսուրսի օգտագործումը, Փաշինյանի կողմից անձամբ անցկացրած քարոզարշավը, եւ այլ հնարքներ չօգնեցին նրանց հավաքել մեծամասնություն եւ 2/ յուրաքանչյուր քվեի կարեւորությունը («իմ ձայնով բան չի որոշվում» ասողները թող նայեն քվեարկության արդյունքները եւ հասկանան, որ հենց իրենց ձայնը կարող էր որոշիչ լինել):
Մելանյա ԲԱՐՍԵՂՅԱՆ
