«Ամերիկայի ձայն». Սենատոր Բոբ Մենենդեսը, որը մեղադրվում է Նյու Ջերսիի երեք գործարարներից կաշառք ստանալու մեջ, հայտարարել է, թե անմեղ է՝ հավելելով, որ մտադիր է հանդես գալ այդ մեղադրանքների դեմ և շարունակել աշխատանքը ԱՄՆ Կոնգրեսում։
Դեմոկրատ Մենենդեսը համարվում է նախագահ Ջո Բայդենի կարևոր դաշնակիցը․ Սպիտակ տան առանցքային գործընկերն է Ուկրաինային ցուցաբերվող ամերիկյան օգնություն հարցում:
Սենատորին մեղադրում են Եգիպտոսի կառավարության օգտին գործելու և երեք գործարարներին վերաբերող հետաքննությանը միջամտելու մեջ, ինչի համար նա ստացել է հարյուր հազարավոր դոլարներ և ոսկու ձուլակտորներ:
Շատերը, այդ թվում՝ նրա կուսակիցները, կոչ են արել Մենենդեսին հրաժարական տալ սենատորի պաշտոնից: Նրանց թվում է Նյու Ջերսիի նահանգապետը, ով Մենենդեսի հրաժարականի դեպքում՝ նրա փոխարեն ժամանակավորապես կնշանակվի նահանգը ներկայացնող սենատոր:
Կարդացեք նաև
Նյու Ջերսիի Յունիոն Սիթի քաղաքում հրավիրած ասուլիսի ժամանակ Մենենդեսը կրկնեց՝ նպատակ չունի հեռանալ սենատորի պաշտոնից և չի ընդունում իր դեմ ներկայացված մեղադրանքները:
«Վստահ եմ, երբ բոլոր փաստերը ներկայացվեն, ոչ միայն կարդարացվեմ, այլև կշարունակեմ ծառայել որպես Նյու Ջերսիի ավագ սենատոր»,- ընդգծել է Բոբ Մենենդեսը:
