Համացանցում քիչ առաջ տեսանյութ է տարածվել, որտեղ ներկայացվում է, թե Արցախի հերոս Վիտալի Բալասանյանն իբր Հակարիի կամրջի մոտ գտնվող ադրբեջանական անցակետը փորձել է անցնել, սակայն ադրբեջանական կողմը նրան դա թույլ չի տվել՝ պատճառաբանելով, թե Վիտալի Բալասանյանը ահաբեկիչ է։
Aravot.am-ին հաջողվեց ճշտել, որ Վիտալի Բալասանյանը չի փորձել հատել ադրբեջանական անցակետը: Նա գերեվարված չէ: Մեր աղբյուրը տեսանյութը տարածվելուց 10 րոպե հետո կապ է հաստատել վերջինիս հետ, ով ծիծաղելով ասել է, որ դեռ ողջ է, գերեվարված էլ չէ:
Իսկ տեսանյութը, ըստ մեր աղբյուրի, հին տեսանյութ է. նա դժվարացավ, սակայն, ավելի հստակ ասել, թե որքա՞ն հին տեսանյութ է, որտե՞ղ ու ի՞նչ պայմաններում է նկարվել, քանի որ այն կիսատ է:
Նելլի ԳՐԻԳՈՐՅԱՆ
