Հայաստանը խոստացել է Ադրբեջանին վերադարձնել նաեւ անկլավները, իսկ Ադրբեջանը խոսում է «8 գյուղերի» մասին: Թե ինչ հիմքով են նման պահանջներ դրվում Հայաստանի առաջ՝ այսօր «Մեդիա կենտրոնում» «Անկլավներ. ի՞նչ են ասում քարտեզները» թեմայով քննարկման ժամանակ աշխարհագրագետ, քարտեզագետ-քարտեզաբան Ռուբեն Գալիչյանը պատասխանեց. «Ըստ Ադրբեջանի սահմանադրության, Ադրբեջանը անկլավ պահանջելու իրավունք չունի, բայց եթե ուժի տեսանկյունից են խոսում, պահանջում է՝ ասելով, որ խորհրդային քարտեզներով դրանք գոյություն ունեն: Բայց ուշադրություն դարձրեք խորհրդային օրերին՝ 1936-ից մինչեւ 40թ-նն են դրանք տրվել Ադրբեջանին, իսկ Ադրբեջանի սահմանադրությունը հիմնվում է 1918-20թթ Ադրբեջանի վրա, ուրեմն իրավական չեն կարող լինել իրենց տեսակետները: Եվ հայտարարելով՝ 7 անկլավ, 8 անկլավ, այդպիսի բան չկա: Գոյություն ունի ադրբեջանական 3 անկլավ Հայաստանում եւ 1 հայկական անկլավ՝ Ադրբեջանի տարածքում:
Բայց եկեք տեսեք Ադրբեջանն ինչ է արել այս օրերին՝ 2014-ի իրենց ատլասի մեջ նշել են Հայաստանի մեջ իրենց անկլավները եւ Արծվաշենը, որը հայկական անկլավ էր համարվում, այդ քարտեզում իրենով է արել, թե այլեւս չկա անկլավ: Հայաստանի մեջ գտնվածները նշում է, իսկ իր մոտ եղած անկլավը չի նշում քարտեզում: Հաշվել է, որ իրենն է»:
Հռիփսիմե ՋԵԲԵՋՅԱՆ
Կարդացեք նաև
Լուսանկարը՝ Մեդիա կենտրոնի
