Իրանի ԱԳՆ խոսնակ Նասեր Քանանին մամուլի ասուլիսի ժամանակ, անդրադառնալով, այսպես կոչված, «Զանգեզուրի միջանցքի» վերաբերյալ Թուրքիայի տրանսպորտի և ենթակառուցվածքի նախարարի հայտարարություններին, նշել է․ «Ես չգիտեմ հայտարարությունների ստույգությունը, բայց մենք ունենք հստակ և ճշգրիտ դիրքորոշումներ տարածաշրջանում, հատկապես Կովկասում տիրող իրավիճակի, տարածաշրջանում խաղաղության և կայունության, միջանցքների և տարանցիկ անցումների հարցում։
Մենք ընդգծում ենք տարածաշրջանային համագործակցության ընդլայնումը խաղաղության և կայունության, ինչպես նաև առևտրատնտեսական համագործակցության, տրանսպորտի և տարանցման համար: Մենք միշտ շեշտել ենք, որ առևտրատնտեսական համագործակցության զարգացումը չի կարող պատրվակ լինել տարածաշրջանում աշխարհաքաղաքական փոփոխությունների և տարբեր երկրների ինքնիշխանության և տարածքային ամբողջականության խախտման համար»։
➡️Քանանին դատապարտել է Քերմանում տեղի ունեցած ահաբեկչությունը և նշել, որ թեև «Իսլամական պետությունը» ստանձնել է ահաբեկչության պատասխանատվությունը, սակայն դրա հետևում կանգնած է նաև «Սիոնիստական ռեժիմը»»։ Անդրադառնալով Իրանի և Ֆրանսիայի ԱԳ նախարարների հեռախոսազրույցին՝ Քանանին նշել է, որ ահաբեկչության խնդիրը համապարփակ և միջազգային սպառնալիք է, և Ֆրանսիայի արտգործնախարարի հետ զրույցում այս հարցի շուրջ քննարկում է եղել, ու Ֆրանսիայի կառավարությունը պաշտոնապես իր դիրքորոշումն է հայտնել իրանական կողմին։
➡️Քանանին հայտնել է, որ Ժոզեպ Բորելը զանգահարել է Ամիր Աբդոլլահիանին և իր ցավակցությունը հայտնել Քերմանում տեղի ունեցած միջադեպի կապակցությամբ և այլ հարցերի վերաբերյալ եղել են կարճ քննարկումներ։
Կարդացեք նաև
Region Monitor
