Հայոց ցեղասպանության զոհերի հիշատակի ոգեկոչմանը նվիրված և ամեն տարի, ապրիլի 23-ի երեկոյան Երևանի կենտրոնից դեպի Ծիծեռնակաբերդի բարձունք շարժվող ջահերով երթի մասնակիցներն այս տարի կրել են նաև Բաքվի բանտում ապօրինի պահվող հայ գերիների լուսանկարներով պաստառներ:
Մասնակիցներն այդպիսով իրենց զորակցությունն են հայտնել Բաքվի բանտում ապօրինի պահվող հայ գերիներին և պատանդներին՝ «Պահանջում ենք անհապաղ ազատ արձակել Բաքվի հայ գերիներին», «Գլոբալ լռություն, Գլոբալ ամոթ. Ո՛չ՝ ցեղասպանությանը» պաստառներով:
Կարդացեք նաև
Նրանք կրել են նաև ապրիլի 5-ից հացադուլ հայտարարած Ռուբեն Վարդանյանի լուսանկարը՝ Բաքվի բանտից ընտանիքին փոխանցված նրա ուղերձով՝ «Արժեքներն ու սկզբունքներն առավել կարևոր են, քան նույնիսկ կյանքը»:
Ռուբեն Վարդանյանը հայ ոգեղեն մարդու և առաջնորդի իսկական տեսակ է: Գտնվելով թուրքական դաժան գերության մեջ, նա չի ընկրկում և չի հուսահատվում, այլ իր հայրենանվեր պայքարով ապացուցում է վերը հնչեցրած իր կոչի ճշմարտացիությունը – «Արժեքներն ու սկզբունքներն առավել կարևոր են քան նույնիսկ կյանքը»:
Այս կոչը լսելուն պետք է հետևի հուսահատության մեջ գտնվող հայ մարդկանց համատարած արթնացումը և մեր Հայրենիքին տեր կանգնելը:
Արթնացիր հայ մարդ, քանզի վիրավոր Հայրենիքն է քեզ խնդրում իրեն տեր կանգնել և չհանձնել օտարին: