«Օրեր շարունակ տավուշցին համառ դիմադրություն է ցույց տալիս թշնամուն եւ այս ապիկար իշխանություններին: Տավուշում ստեղծվել է դիմադրություն հանուն Հայաստանի հանրապետության եւ հայ ժողովրդի: Մեծից փոքր կանգնել են իրենց սրբությունը, շիրիմները, տունն ու հայրենիքը պաշտպանելու համար: Ցավոք, այս իշխանությունները նորից իրենց ադրբեջանցի գործընկերների հետ հանցավոր համաձայնության են եկել ու բացում են ոչ միայն Տավուշի առաջնագիծը, այլեւ մեր հայրենիքի առաջնագիծը»,- այսօր Հայոց ցեղասպանության 109-րդ տարելիցին նվիրված ամենամյա ջահերթով երթից առաջ Հանրապետության մարդաշատ հրապարակում հայտարարեց Աժ «Հայաստան» խմբակցության պատգամավոր Գառնիկ Դանիելյանը:
Պատգամավորը կոչ արեց մենակ չթողնել տավուշցուն. «Տավուշը ամուր հենարանն է, թիկունքն է, մեր դարպասն է: Այս ամենը նաեւ հետեւանքն է, որ Արցախը ընկավ ու մենք բավարար աջակցություն ցույց չտվեցինք արցախցիներին, եթե Տավուշն ընկնի , ապա դա հայ ժողովրդի վերջն է լինելու»:
Պատգամավորը նկատեց նաեւ, որ թշնամին իր ծրագրերը իրականացնելու մեջ հետեւողական առաջ է գնում, նրանց ծրագիրը կասեցնելու համար հայությանը պետք է միասնականություն, համախմբվել ու կասեցնել թշնամուն:
Կարդացեք նաև
Արփինե ՍԻՄՈՆՅԱՆ
