Նախկին դատավոր Արուսյակ Ալեքսանյանի, նրա նախկին օգնական Թամարա Պետրոսյանի եւ փաստաբան Էրիկ Ալեքսանյանի գործով Վահե Դոլմազյանի նախագահությամբ դատական նիստում այսօր եզրափակիչ ելույթով հանդես եկավ Արուսյակ Ալեքսանյանի պաշտպան, պաշտպան Հովսեփ Սարգսյանը
Նրա երեւույթը այն մասին էր, որ իր պաշտպանյալի վերաբերյալ քրեական վարույթը ի սկզբանե, մինչեւ միջդատական վարույթն էլ, եղել է անօրինական՝ հաղթահարված չի եղել Արուսյակ Ալեքսանյանի, որպես դատավորի, անձեռնմխելիությունը:
«Այն տվյալները, որոնք հիմք են հանդիսացել օպերատիվ հետախուզական միջոցառումներ իրականացնելու համար, այդ տվյալները պատշաճ չեն եղել, դատավորի նկատմամբ իրականացվել է քրեական վարույթ ոչ իրավասու մարմնի կողմից, որը իրավունք չունի դատավորի վերաբերյալ քրեական վարույթ քննել: Այսինքն, խախտվել է տվյալ քրեական վարույթի քննչական ենթակայությունը: Այդ քրեական վարույթը պարտավոր էին քննելու Հակակոռուպցիոն կոմիտեի քննիչները, սակայն, չգիտես ինչու, քննել են ԱԱԾ դեպարտամենտի քննիչները, որի իրավունքը չունեին: Իրավական հիմքը եղել է գլխավոր դատախազի 2023 թվականի հոկտեմբերի 5-ի որոշումը, որը իրավաչափության եւ օրինականության հետ շատ լուրջ հարցեր է պարունակում:
Ես դրա փաստական հիմնավորումները տվեցի իմ եզրափակիչ ելույթում, որտեղ հստակ վկայակոչել եւ մատնանշել եմ այն բոլոր հանգամանքները, չափանիշները, որոնց ուժող գտել եմ, որ գլխավոր դատախազի որոշումները իրավաչափ չեն, անօրինական են: Եվ միջնորդեցի, որպեսզի բոլոր ապացույցները, որոնք ձեռք են բերվել միջդատական վարույթի ընթացքում, ճանաչվեն անթույլատրելի եւ դրա արդյունքում Արուսյակ Ալեքսանյանը արդարացվի, անպարտ ճանաչվի առաջադրված մեղադրանքներում:
Կարդացեք նաև
Խոսքը վերաբերում է անարդար դատական ակտ կայացնելու մեղադրանքին եւ պաշտոնական դիրքի չարաշահման մեղադրանքներին»,- Aravot.am-ի հետ նիստից հետո ունեցած զրույցում ասաց փաստաբանը:
Աշոտ ՀԱԿՈԲՅԱՆ
