Շանհայում ընթացող թենիսի Rolex Shanghai Masters մրցաշարում ռուսաստանաբնակ հայ թենիսիստ, ATP վարկանիշային դասակարգման լավագույն տասնյակը եզրափակող Կարեն Խաչանովը մեկնարկելով երկրորդ շրջանից՝ 6:7, 3:6 հաշվով անակնկալ պարտություն է կրել Չինաստանը ներկայացնող Շան Ցզյունչենից, որը ATP վարկանիշային դասակարգման ցուցակում զբաղեցնում է ընդամենը 237-րդ տեղը: Պայքարը տեւել է 1 ժամ 43 րոպե:
Ավելի ուշ հայտնի է դարձել, որ մրցաշարի զուգախաղերում Կարեն Խաչանով/Անդրեյ Ռուբլյով ռուսաստանյան երկյակը մեկ հաղթանակ տոնելուց հետո հրաժարվել է մասնակցել 1/8 եզրափակչին:
Աշոտ ՀԱԿՈԲՅԱՆ
