«Եթե Ֆրանսիան պատրաստ է մեզ հետ կնքել ռազմական համագործակցության պայմանագիր՝ կնքենք»,-խորհրդարանի մոտ, լրագրողների հետ զրույցում ասաց «Ուժեղ Հայաստան» կուսակցության խորհրդի անդամ Նարեկ Կարապետյանը՝ երկրորդելով «Ուժեղ Հայաստանի» վարչապետ Սամվել Կարապետյանին ու պատասխանելով հարցին՝ ի՞նչ է պետք անել Հայաստանի անվտանգությունը դիվերսիֆիկացնելու համար։
Սամվել Կարապետյանի երեկվա ասուլիսի ամենակարեւոր ուղերձներից է այս միտքը համարում Նարեկ Կարապետյանը։
«Սիրելի հայրենակիցներ, ռեկլամին մի նայեք։ Բնույթը․․․ ի՞նչ են ստորագրել երեկ։ Մի քանի դիվիզիոն «Բաստեոն» է բերել, դա է ուզում ցույց տալ, ժողովուրդն էլ «Բաստեոնը» տեսնեն՝ մտածեն, որ նոր տեսակի «Բաստեոնով» հնարավոր է երկրի անվտանգությունն ապահովել։ «Բաստեոնով» անվտանգություն չեն ապահովում։ Անվտանգությունն ապահովում են համապարփակ ռազմական արդյունաբերությամբ, բանակի վերափոխմամբ, դիվանագիտությամբ»,- ասաց Նարեկ Կարապետյանը՝ հավելելով, որ Հայաստանի 2-3 գործընկեր է մնացել, որոնց հետ որոշակի առեւտրատնտեսական կապեր կան եւ նվազագույն ռազմական համագործակցություն․ «Դա է՞լ քանդեն»։
Մանրամասները՝ տեսանյութում
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
