Երևանի քաղաքապետարանը ՀՀ կառավարության համաֆինանսավորմամբ և Ասիական զարգացման բանկի (ԱԶԲ) վարկային միջոցներով իրականացնում է Իսակով-Արշակունյաց ճանապարհահատվածի կառուցման ծրագիրը:
Պաշտոնական արարողության ընթացքում կողմերի միջև ստորագրվեց տեխնիկական վերահսկողության և խորհրդատվական ծառայությունների պայմանագիրը: Օրերս նաև ստորագրվել էր շինարարական աշխատանքների պայմանագիրը:
Նոր ճանապարհը հնարավորություն կտա նվազեցնել մայրաքաղաքի երթևեկության ծանրաբեռնվածությունը:
Ճանապարհի ընդհանուր երկարությունը մոտ 2 կմ է: Այս խոշոր ենթակառուցվածքային ծրագրում ներառված է նաև Հրազդան գետի վրա ավելի քան 250 մետր երկարությամբ երկաթբետոնե կամրջի կառուցումը:
Երևանի քաղաքապետարանի աշխատակազմի լրատվության վարչություն
