2021 թվականին Հերիքնազ Տիգրանյանը հայտարարագրել էր զրոյական կանխիկ միջոցներ։ Բանկային հաշիվների վերաբերյալ տվյալներ ընդհանրապես ներկայացված չէին։ Նրա տարեկան եկամուտը կազմել էր շուրջ 10.9 միլիոն դրամ, իսկ բնակարանի հիփոթեքային վարկի մնացորդը՝ ավելի քան 24.3 միլիոն դրամ։
Սակայն արդեն 2025 թվականի ավարտին պատկերը լրիվ այլ է։ Պատգամավորի բանկային հաշիվներում առկա է գրեթե 4 միլիոն դրամ՝ 3 մլն 972 հազար դրամ, կանխիկ միջոցները հասել են 1.5 միլիոն դրամի, իսկ տարեկան եկամուտները գերազանցել են 18.3 միլիոն դրամը։ Ընդ որում, միայն Ազգային ժողովից ստացած աշխատավարձը կազմել է ավելի քան 16.3 միլիոն դրամ։
2022 թվականին նա բանկային հաշիվներում ունեցել է ընդամենը 62 հազար դրամ և բառացիորեն խորհրդանշական՝ 1320 դրամ կանխիկ գումար։ Սակայն արդեն մեկ տարի անց՝ 2023-ին, բանկային միջոցները հասել են մոտ 1.8 միլիոն դրամի, իսկ 2024-ին, թեև հաշիվների մնացորդը նվազել է մինչև 190 հազար դրամ, կանխիկ միջոցները աճել են մինչև 2.3 միլիոն դրամ։
Այս ամենին զուգահեռ նվազել է նաև նրա վարկային բեռը․
Կարդացեք նաև
2021 թվականին՝ 24.3 մլն դրամ,
2025 թվականին՝ արդեն 19.2 մլն դրամ։
Այսինքն՝ պատգամավորը ոչ միայն կարողացել է կուտակել դրամական միջոցներ, այլ նաև աստիճանաբար մարել է բնակարանի վարկը։
Հիշեցնենք, որ պատգամավորին և նրա ընտանիքին պատկանող գույքային ցանկը բավական համեստ է․ Արաբկիր վարչական շրջանում գտնվող բնակարան և ավտոկայանատեղի, ինչպես նաև 1994 թվականի արտադրության MERCEDES-BENZ ավտոմեքենա։ Սակայն հենց դրամական հոսքերի աճն է, որ առավել խոսուն է թվում։
Հատկանշական է նաև եկամուտների կառուցվածքը։ Բացի պատգամավորական աշխատավարձից, Տիգրանյանը տարբեր տարիներին եկամուտներ է ստացել նաև Ռուս-հայկական համալսարանից, ինչպես նաև «այլ եկամուտ» ձևակերպմամբ գումարներ, որոնք որոշ տարիների հասել են ավելի քան 2 միլիոն դրամի։
Հոդվածն ամբողջությամբ՝ «Ժողովուրդ» օրաթերթում
