«Մեղավորը ՀՀ իշխանությունն է, հատկապես Էկոնոմիկայի նախարարությունը, որ այս ընթացքում` այս ամբողջ 8 տարիներին տեսնելով, որ Ռուսաստանի իշխանությունները ելակը մեզ վրա որպես քաղաքական գործիք են օգտագործում, այդ ուղղությամբ քայլեր չարեց»,- «Ա1+»-ի հետ զրույցում ասաց «Հանրապետություն» կուսակցության նախագահ Արամ Սարգսյանը՝ անդրադառնալով վերջին օրերին Հայաստանի դեմ ռուսական պատժամիջոցներին։
Ռուսաստանը Վերին Լարսի անցակետում չի ընդունում Հայաստանից արտահանվող ելակը, պղպեղը, լոլիկը և այլ գյուղատնտեսական մթերքներ։ Բերքով բեռնված մեքենաները վերադառնում։
Արամ Սարգսյանը պնդում է, որ Հայաստանի իշխանությունները շատ լավ գիտեին, որ Ռուսաստանը տնտեսական լծակներն օգտագործելու է որպես քաղաքական պատժամիջոց մեր երկիրն իր ազդեցության տակ պահելու համար։ Եվ չի փորձել ոչ միայն արտահանման նոր ուղիներ ստեղծել, այլև մինչև այսօր չի պլանավորել, թե, օրինակ, եվրոպական շուկաներում ինչ մթերք է պետք վաճառել, որ մրցունակ լինի։ Ելակը մրցունակ չէ։ Բացի այդ, մինչև հիմա մեր գյուղմթերքի արտադրման ստանդարտները չեն համապատասխանեցրել եվրոպական պահանջներին։
Հիշելով նախկին նախագահ Ռոբերտ Քոչարյանի այն հայտարարությանը, թե ինքը մեկ զանգով կկանգնեցներ պատերազմը՝ կոչով դիմում է նրան․ «Պարոն Քոչարյան, դե մի զանգով լուծեք ելակի խնդիրը։ Զանգեք Ռուսաստանի ձեր ընկեր Վլադիմիր Պուտինին, ում հետ քիմիա ունեք, ասեք այդ խնդիրը լուծենք, թե չէ դրանով մեր բարեկամությունը վտանգվում է»։
