«Ուժեղ Հայաստան» դաշինքի պատգամավորի թեկնածու, Գյումրու քաղաքապետի պաշտոնակատար Ավետիս Առաքելյանը ընտրության էր եկել իր մանկահասակ երեխաների՝ տղայի ու դստեր հետ Գյումրվու «Բաղնիքում» տեղակայված ընտրատեղամասում, որտեղ անասելի ակտիվություն էր նկատվում․ բակում ընտրողների մեր հերթեր էին գոյացել։
Հերթ կանգնեց նաև Ավետիս Առաքելյանը։ Նա լրագրողների հետ զրույցում խոսեց իշխանության ռեպրեսիաներից, տեղեկացրեց, որ վաղ առավոտյան իրենց դաշինքից 4 անձի են բերման ենթարկել, այդ թվում՝ կանանց։ «Ինձ համար զարմանալի է ու անընդունելի, որ Նիկոլ Փաշինյանը 2018 թվականին պայքարում էր էդ ռեժիմի դեմ, բայց արի ու տես հեղափոխությունը խժռեց իրեն, ու ինքը ռեժիմ դարձավ», -ասաց Ավետիս Առաքելյանը։ Նա ասաց՝ անիրավ ձեռագրով են շարժվում ու պատմեց, թե ինչպես են կանանց հետապնդել, առավոտյան ժամը 5-ին մտել են տուն, երեխաների աչքի առաջ մորը բերման ենթարկել։
Ըստ Ավետիս Առաքելյանի, ինքը քվեարկեց հանուն հայոց պատմության, հայ մշակույթի, Բիլբիլիական Արարատի, հանուն Հայ Առաքելական եկեղեցու ու ուժեղ Հայաստանի։
Կարդացեք նաև
Նունե ԱՐԵՎՇԱՏՅԱՆ
