«Ուժեղ Հայաստան» կուսակցության անդամ Արեգա Հովսեփյանը ֆեյսբուքյան էջով առաջարկ է ներկայացրել Նիկոլ Փաշինյանին. «Աննախադեպ առաջարկ Նիկոլ կեղծարարին. դու ոչ թե ամեն օր մերժիր, դրժիր ընդդիմության, ժողովրդի ասածները, այլ որ քո խոսքը գեթ մեկ կոպեկի արժեք ունենա, Ազգային ժողովի ամբիոնից հայտարարի ընդամենը մեկ նախադասություն. Իլհամ Ալիև, դու ստում ես, ադրբեջանցիները երբեք Հայաստանում չեն բնակվելու»։
«Ուժեղ Հայաստան» կուսակցության մեկ այլ անդամ՝ Շիրազ Մանուկյանը, ևս ֆեյսբուքյան ուղիղ եթերում անդրադարձել է նույն թեմային. «Քաղաքացիական պայմանագրի ներկայացուցիչներ, եթե չկա որևէ մի գաղտնի բան, մտեք ուղիղ եթեր և հակադարձեք Ադրբեջանի պաշտոնյաներին, երբ, օրինակ, իրենց անվտանգության և պաշտպանության հանձնաժողովի նախագահը հստակ խոսում է իր զավթողական և պահանջատիրական իղձերի մասին… Հակադարձեք նրան, եթե կարող եք, եթե չեք անում, ուրեմն կասկածներ կարող ենք բոլորս ունենալ, որ դուք ինչ-որ մի բան թաքցնում եք, որ դուք ձեր մեջ ինչ-որ պայմանավորվածություններ ունեք, չգիտեմ՝ նրանք իրենց քաղաքականությունն առաջ տանեն, դուք ձեր լռակյաց լինելով՝ զիջողական դիրք ընդունեք և Հայաստանի ամբողջ ինքնիշխանությունը մատաղ անեք իրենց ոտքերի տակ։ Եթե սա է ձեր տրամաբանությունը, ուրեմն խոստովանեք բոլորին, խոստովանեք հայ ժողովրդին, խոստովանեք, որ դուք լռակյաց լինելով շարունակում եք ադրբեջանական քաղաքականության մասը դառնալ»։
Կարդացեք նաև
Պատրաստեց Գոհար ՀԱԿՈԲՅԱՆԸ
