Գագիկ Ծառուկյանի առանձնատնից առգրավվել են նրա 3 առյուծներին և 1 վագրին, որոնք տեղափոխվել են Կենդանաբանական այգի։
Քննչական կոմիտեն քիչ առաջ տեսանյութ է հրապարակել, որտեղ երևում են, թե ինչպես են ԲՀԿ առաջնորդին պատկանող և գործի հետ առնչություն չունեցող կենդանիներին քնեցրած վիճակում տեղափոխում։
ՔԿ-ի տարածած հաղորդագրության մեջ ասվում է.
«ՀՀ քննչական կոմիտեի Կոտայքի մարզային քննչական վարչությունում վայրի կենդանի կամ թռչուն ապօրինի որսալու դեպքի առթիվ նախաձեռնված քրեական վարույթի նախաքննության ընթացքում Գ.Ծ.-ին պատկանող առանձնատնից առգրավվել են տարբեր կենդանիների և թռչունների 190 հատ խրտվիլակ, ինչպես նաև 3 առյուծ և 1 վագր, որոնք ճանաչվել են որպես իրեղեն ապացույց և տեղափոխվել կենդանաբանական այգի։
Ապօրինի որսի հետևանքով շրջակա միջավայրին պատճառվել է 30 մլն ՀՀ դրամի վնաս:
Գ.Ծ.-ի առանձնատանը պահվող մյուս կենդանիները նախատեսվում է առգարվվել և պատասխանատու պահպանությանը հանձնել հաջորդող օրերին:
Քրեական վարույթի նախաքննությունը շարունակվում է»:
