«Իմ կարծիքով ընտրությունների հիմնական մասնակիցների միջև նախընտրական պայմանավորվածություններ են եղել՝ որոշակի վերադասավորումներ` պայմանով, որ իշխանությանը պետք է լինի «Քաղաքացիական պայմանագիրը»։ Ամեն մեկին ինչ-որ տեղեր հատկացվեցին, սահմանվեցին խաղի կանոններ, թե ոնց պետք է այս խաղը գնա։ Եվ հիմա մենք տեսնում ենք հետևանքները»,- «Ա1+»-ի հետ զրույցում ասաց տնտեսագետ, 1994-1998թթ․ ՀՀ Կենտրոնական բանկի նախագահ Բագրատ Ասատրյանը՝ անդրադառնալով հունիսի 7-ի խորհրդարանական ընտրություններին։
Տնտեսագետի խոսքերով այդպիսով կար ընդդիմության դաշտը նեղացնելու հստակ միտում, և պատահական չէր, որ «Բարգավաճ Հայաստան» կուսակցությանը դուրս գցեցին։
Հիշեցնենք, որ ընտրությունների արդյունքում Ազգային ժողով անցան երեք ուժեր՝ իշխանական «Քաղաքացիական պայմանագիր» կուսակցությունը և ռուսաստանաբնակ գործարար Սամվել Կարապետյանի նախաձեռնած ընդդիմադիր «Ուժեղ Հայաստան» ու նախկին նախագահ Ռոբերտ Քոչարյանի առաջնորդած «Հայաստան» դաշինքները։
Քվեների հաշվարկի ժամանակ ԲՀԿ-ն մի պահ հաղթահարում էր նվազագույն 4 տոկոսի շեմը, բայց ի վերջո ԿԸՀ-ն ներկայացրեց, որ այդ ուժը չի անցնում խորհրդարան։ Ընդդիմադիր 7 ուժեր ԿԸՀ-ի այդ որոշումը վիճարկելու համար դիմել էին Սահմանադրական դատարան, բայց հուլիսի 5-ին բարձր դատարանն անփոփոխ թողեց ԿԸՀ-ի որոշումը։
Կարդացեք նաև
Մանրամասները՝ տեսանյութում։
