«Տնտեսության մեջ թիվ մեկ խնդիրը սեփականության իրավունքի անձեռնմխելիության խնդիրն է, որն Հայաստանում իսպառ վերացել է։ Ամեն դեպքում, ՀԷՑ-ի հետ կապված գործընթացով սկսվել է եւ շարունակվում է։ Սա աբսուրդ է, աշխարհում չկան երկրներ, որտեղ առանց դատական գործընթացների՝ մարդու սեփականությունը միանգամից ճանաչվում է, իրենց բառերով, կամ հանրային գերակա շահ, կամ ասում են՝ ազգայնացում։ Տնտեսությունը կործանման տանելու ամենակարճ ճանապարհը՝ սեփականության իրավունքի ոտնահարումն է»,- Կենտրոնական ընտրական հանձնաժողովի շենքի մոտ լրագրողների հետ ճեպազրույցում ասաց «Ուժեղ Հայաստան» դաշինքի անդամ Հայկ Ֆարմանյանը։
Նրա խոսքով՝ այս պայմաններում միջազգային ներդրողները Հայաստանից խուսափելու են։ «Ո՞ր լուրջ ներդրողը կցանկանա ներդրում անել Հայաստանում, երբ Սամվել Կարապետյանի, Գագիկ Ծառուկյանի սեփականության նկատմամբ իրականացվում է ոտնձգություն։ Բնականաբար, սա իսպառ քայքայելու է մեր ներդրումային միջավայրը»,- նշեց Ֆարմանյանը։
Մանրամասները՝ տեսանյութում
Կարդացեք նաև
Հայկ Ֆարմանյանն անդրադարձավ նաեւ ռուսական շուկայի սահմանափակումների հետեւանքով հայ տնտեսվարողների առջեւ ծառացած խնդիրներին։ Նա նշեց, որ Եվրոպական շուկայում հայկական արտադրանքին չեն էլ սպասում։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
