ՌԴ Դաշնային խորհրդի միջազգային հարցերով հանձնաժողովի նախագահ Գրիգորի Կարասինը մեկնաբանել է ՀՀ վարչապետ Նիկոլ Փաշինյանի հայտարարությունը, ըստ որի՝ եթե հայկական արտադրանքի արտահանման սահմանափակումների հարցը Ռուսաստանի հետ արագ չկարգավորվի, դա կարող է դառնալ Եվրասիական տնտեսական միության (ԵԱՏՄ) «վերջի սկիզբը»։
«Գազետա.ռու»-ին տված հարցազրույցում ռուս սենատորը նշել է, որ Փաշինյանը, ցավոք, երբեմն չափազանց հուզական և կտրուկ հայտարարություններ է անում, որոնց համար հետագայում, հավանաբար, ինքն էլ զղջում է։
«Կյանքը միայն հայտարարություններից չէ բաղկացած, ուստի մենք պետք է դրան հանգիստ վերաբերվենք»,– ասել է Կարասինը։
