-Ինչպե՞ս նիստ արեցիք այստեղ, երբ ես բացակա էի,- իր և մյուսների գործով դատական նիստի ավարտին դատարանին հարց ուղղեց Բագրատ արքեպիսկոպոս Գալստյանը, երբ տեղեկացավ, որ Տիգրան Գալստյանի բացակայության պատճառով նիստը հետաձգվում է:
-Ո՞ր բացակայության ժամանակ,- հարցրեց դատավոր Կարեն Ֆարխոյանը:
-Իմ առաջին բացակայության ժամանակ, երբ ուշացած եկա դատարան,- ասաց սրբազանը:
-Միջնորդությունների քննարկո՞ւմ է եղել,- հարցրեց դատավորը:
Կարդացեք նաև
-Հավանաբար,- պատասխանեց սրբազանը:
-Միջնորդությունների քննարկումը բացառությամբ կատարել ենք, այո, բայց դա ձեր անձին չէր վերաբերում,- ասաց դատավորը:
-Այսինքն՝ ես կարող էի նիստին ներկա չլինե՞լ…
-Այո,- ասաց դատավորը,- միջնորդություններ էին,- պարտադիր էր…
-Եթե պարտադիր էր, ուրեմն ինչու ես ներկա չէի,- նորից տարակուսանք հայտնեց սրբազանը:
-Ես ասեմ, որպեսզի արձանագրվի, և այս հարցերի պատասխաններն էլ ամբողջությամբ տրվի: Եթե հարցը կվերաբերի խափանման միջոցներին, հրատապ, բնականաբար, պաշտպանի, մյուսի, անգամ մեղադրյալի բացակայության պայմաններում այդ հարցը կքննարկվի, որովհետև Քրեական դատավարության օրենսգիրքը դա կարգավորում է: Եթե կհիշեք՝ սույն քրեական վարույթով առաջին նիստերից մեկը հենց այդպես էլ եղավ: Պաշտպանների բացակայության պայմաններում խափանման միջոցի հարցն էր քննարկվել,- ասաց դատավորը:
Բագրատ սրբազանը փորձեց այլ պարզաբանումներ էլ ստանալ, սակայն դատավորը նման հնարավորություն չընձեռեց: Նա հայտարարեց, որ դատական նիստն ավարտված է ու հեռացավ:
Մանրամասն՝ տեսանյութում.
Նիստն ամբողջությամբ՝
Գոհար ՀԱԿՈԲՅԱՆ
