Ռազմական փորձագետ, razminfo կայքի կոորդինատոր Կարեն Վրթանեսյանի ՖԲ գրառումը.
Այսօր Աշոտյանի տնային կալանքը 3 ամսով էլ երկարացրին։
Արմենին բանտարկել էին հունիսի 5-ին, ընտրություններից 2 օր առաջ։ 2 ամիս բանտում էր, հետո խափանման միջոցը փոխեցին մեկամսյա տնային կալանքի, որն այսօր երկարացրին ևս 3 ամսով։
Որևէ օրինական հիմնավորում, թե 2019 թվականին (!) հարուցած գործով 7 տարի անց ինչու հանկարծ պահանջվեց մարդուն կալանավորել, չկա։
Կարդացեք նաև
Մարդը, որը 7 տարում ո՛չ փախել է, ո՛չ որևէ կերպ խոչընդոտել է քննությանը, հանկարծ դառնում է «քննության համար սպառնալիք», ում նորմալ գործունեությունը պետք է «խափանել»։
Սա հերթական օրինակն է «խորամանկ բռնաճնշումների». տանը կալանքի տակ լինելը համարվում է «մեղմ բան», ըստ այդմ` դրա ապօրինության մասին աղմուկ համարյա չի լինում։ Այսօր Արմենն էլ ասաց, որ բանտերում պահվող քաղբանտարկյալների համեմատ իր տնային կալանքի հանգամանքը մեծ բան չէ։
Բայց իրականում այդ «լուռ» բռնաճնշումները ամիսներով ու տարիներով մարդկանց լավ էլ արդյունավետ կերպով խանգարում են գործել և ուղղակի ապրել, անընդհատ լարվածության մեջ են պահում ոչ միայն մարդուն, այլև իր ընտանիքի անդամներին։
Մի հանգամանք էլ. տնային կալանքը լրջագույն խնդիրներ է ստեղծում շարքային ընդդիմադիրների համար, որոնք չունեն կուսակցական աջակցություն, անվտանգության ֆինանսական բարձիկներ. մարդիկ ընտանիքի օրվա հացը վաստակելու խնդրի առաջ են կանգնում, բախվում են լրջագույն ֆինանսական խնդիրների։
Բայց այս մասին գրեթե ոչ ոք չի իմանում, որովհետև համակարգված կերպով այս հարցերով ոչ ոք չի զբաղվում…
