Փաստինֆո. Քաղաքական գիտությունների դոկտոր, պրոֆեսոր, «Հայրենիք» կուսակցության քարտուղար Խաչիկ Գալստյանը հայցադիմում է ներկայացրել դատարան՝ ընդդեմ Երևանի պետական համալսարանի։ Խաչիկ Գալստյանը պահանջում է անվավեր ճանաչել ԵՊՀ հիմնադրամի տնօրենի՝ 18․08․2026թ․ թիվ 156/2-Ա հրամանը և վերականգնել իրեն նախկին աշխատանքում՝ԵՊՀ քաղաքագիտության ամբիոնի պրոֆեսորի պաշտոնում, ինչպես նաև՝ հարկադիր պարապուրդի ամբողջ ժամանակահատվածի համար միջին աշխատավարձը բռնագանձել։ Հայցը նախօրեին մակագրվել է Երևանի ընդհանուր իրավասության քաղաքացիական դատարանի դատավոր Գուրգեն Քոթանջյանին։ Դեռևս առկա չէ տեղեկություն՝ այն վարույթ ընդունելու մասին։
Հիշեցնենք, որ շուրջ 20 տարի ֆակուլտետում դասավանդող գիտնականին փաստացի ազատել են աշխատանքից օգոստոսին, ավելի վաղ պրոֆեսորը ծանուցվել էր, որ ԵՊՀ-ն չի ցականում երկարացնել պայմանագրի ժամկետը։ Նրանից բացի քաղաքական հայացքների համար ԵՊՀ-ն դադարեցրել է համագործակցությունը նաև Ալեն Ղևոնդյանի, ԵՊՀ իրավաբանության ֆակուլտետը բազում տարիներ ղեկավարած պրոֆեսոր Գագիկ Ղազինյանի, Ռուբեն Մելիքյանի հետ։ Նրանք ևս պատրաստվում են հայցեր ներկայացնել դատարան։
Իզաբել Սահակյան
