«Նախորդ փուլում չի եղել որևէ միջազգային հանդիպում, որտեղ չխոսենք Բաքվում պահվող գերիների վերադարձի հրատապության մասին։ Այդ խոսակցությունը որքան հնարավոր է հանդարտ տոնով անցկացնելն է մեր նպատակը, որը նպաստելու է մարդկանց վերադարձին, այլ ոչ թե թեման արծարծել այնպես, որ տպավորություն ստեղծվի, որ ցանկանում ենք վարկանիշային վնաս հասցնել Ադրբեջանին»,- ՀՀ ԱԺ արտաքին հարաբերությունների մշտական հանձնաժողովի արտահերթ նիստի ընթացքում «Ուժեղ Հայաստան» խմբակցության պատգամավոր Սյուզաննա Ավետիսյանի հարցին՝ արդյոք ինչ-որ բան եք արե՞լ եք՝ որպես պատգամավոր Բաքվի բանտում պահվող գերիների վերադարձի հարցով, այսպես պատասխանեց ՔՊ խմբակցության պատգամավոր, ՔՊ-ի կողմից հանձնաժողովի նախագահի տեղակալի թեկնածու առաջադրված պատգամավոր Մարիա Կարապետյանը։
Սյուզաննա Ավետիսյան
Սյուզաննա Ավետիսյանը հարցրեց՝ ի՞նչ կարծիք ունի Վերոնիկա Զոնաբենդի ուղերձի հետ կապված՝ ուղղված ԱԽ քարտուղար Ալեն Սիմոնյանին և հարցին՝ ի՞նչ քայլեր եք ձեռնարկելու այս ուղղությամբ, Մարիա Կարապետյանը պատասխանեց․ «Պետք է ոչ թե փորձենք նորմալացնել, այցեր ապահովել, այլ ավելի լավ է մնանք այն դիրքում, որ պահանջում ենք, որ նրանք շուտափույթ վերադառնան։ Երբ դու ձևավորում ես խնդրանքներ, պետք է լավ կշռես, թե որ պահանջն ես խնդրում, քանի որ այդ մի փոքրը կարող է քեզ տրվել ու համարվել, թե տեսեք՝ ինչ մեծ ընդառաջում տեղի ունեցավ։ Պետք է կենտրոնանալ անձանց վերադարձի վրա»։
Մարիա Կարապետյան
Մարիա Կարապետյանը հանձնաժողովի ձայների 4 «կողմ», 3 «դեմ» հարաբերակցությամբ ընտրվեց ՀՀ ԱԺ արտաքին հարաբերությունների մշտական հանձնաժողովի նախագահի տեղակալ։
ՀՀ ԱԺ արտաքին հարաբերությունների մշտական հանձնաժողովի արտահերթ նիստն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
