«Բոլորիս համար սա չափազանց մեծ կորուստ է, որովհետեւ մենք կորցրինք մեր պայքարի ընկերոջը։ Վերջին անգամ Արսենի հետ ես եւս մասնակցում էի Ստեփանավանում քարոզարշավին։ Բոլորը պատկառանքով էին խոսում Արսեն Գեւորգյանի մասին»,-ասաց ԱԺ «Ուժեղ Հայաստան» ընդդիմադիր խմբակցության պատգամավոր Իրինա Յոլյանը Ստեփանավանի քաղաքապետի թեկնածու Արսեն Գեւորգյանի բանտում մահանալու կապակցությամբ։
«Արսենն ասում էր, որ ամեն ինչ անելու է, որպեսզի Ստեփանավանը զարգանա եւ Ստեփանավանում համերաշխություն լինի։ Ցավոք, նրա նպատակը կիսատ մնաց։ Բայց իր պայքարի ընկերներն այս հարցում առաջամարտիկ են լինելու։
Այս իշխանության օրոք Հայաստանի բանտերում 130-ից ավելի մարդ է մահացել անտարբերության ծանր պայմաններում։ Մեր պայքարի ու գործի ընկերը կարող էր երկար ապրել, որովհետեւ առողջ էր, որեւէ գանգատ չուներ։ Տարան բանտ եւ հասցրեցին մահվան։ Եթե այս իշխանությունները իրենց միլիոնավոր պարգեւավճարների փոխարեն գոնե մի բուժաշխատող պահեին, հերթապահող բժիշկ ունենային, այս իրավիճակը մենք չէինք ունենա։ Մենք տեսնում ենք զրո պատասխանատվություն եւ մինուս կարեկցանք մարդկանց կյանքերի եւ ճակատագրերի նկատմամբ»,-ասաց տիկին Յոլյանը։
Կարդացեք նաև
Աշոտ ՀԱԿՈԲՅԱՆ
