Լրահոս
Օրվա լրահոսը

«Դատական համակարգը ծառայում է ՀՀԿ արատավոր ռեժիմի շահերին». Ծ. Նազարյան

Հուլիս 05,2013 16:38

Ստացվել են Անիկ Դավթյանի ու Ծովինար Նազարյանի վիրավորանքի գործերով դատավոր Լևոն Արազյանի վճիռները: Ըստ Անիկ Դավթյանի գործով վճռի` ընտրողին «մեյմուն, տականք, կապիկ, լկտի և այլն անվանելը» … նպատակ է հետապնդել ապահովելու ընտրությունների բնականոն ընթացքը»:

Հիշեցնենք, որ 75-ամյա թոշակառու Անիկ Դավթյանն ու լրագրող, «Իրավունքի Եվրոպա» դիտորդական խմբի անդամ Ծովինար Նազարյանը դատարանից պահանջում էին պարտավորեցնել Տիգրան Վիրաբյանին, որ իրենց հասցեին վիրավորական արտահայտություններ հնչեցնելու համար հրապարակային ներողություն խնդրի, եւ որ այդ գործողությունը տեսաձայնագրվի եւ տեղադրվի YouTube կայքում:

Aravot.am-ը Ծ. Նազարյանի հետ զրույցում հետաքրքրվեց՝ ինչպե՞ս է գնահատում վճռում տեղ գտած ձևակերպումները: Նա պատասխանեց. «Ուղղակի ծիծաղելի որոշում է, քանի որ այսպես չարաշահել ՀՀ իրավական ինստիտուտները, որ կայացնել հայրենակցական, ցեղային որոշում, ուղղակի վիրավորանք է ՀՀ-ի նկատմամբ:

Դատավորի որոշմամբ ստացվում է, որ ընտրական հանձնաժողովի նախագահները կարող են բոլոր այդ բառերով անպատվել ընտրողներին: Չեմ զարմանա, եթե մի որոշում էլ կայացնեն, ըստ որի հիմա էլ կարելի է կացնով հարձակվել ընտրողի վրա, քանի որ անհրաժեշտ է ընտրական գործընթացը պաշտպանել:

Ընտրության ժամանակ Տիգրան Վիրաբյանը բարձր աղմուկ էր բարձրացնում, կանչում ընտրատեղամասի հանձնաժողովի նախագահին, խառնաշփոթ անում, աղմուկին միանում էր նախագահը, և ընտրական գործընթացը կանգնում էր: Իրենց այդ վարքով իրենք դեռ մի բան էլ խաթարում էին ընտրական գործընթացը, ոչ թե նպաստում անխափանությանը»:

Հետաքրքրվեցինք՝ ինչի՞ արդյունք էր այն, որ ունենք նման վճիռ: Ծ. Նազարյանը պատասխանեց. « Նորություն չէ, որ դատական համակարգը ոչ միայն անկախ չէ, այլ ծառայում է Հանրապետական կուսակցության արատավոր ռեժիմի շահերին: Ուստի կարելի է ասել, որ դատական իշխանությունը կոռումպացված է և ենթարկվում է մեկ կուսակցության, փոխանակ ժողովրդին և հանրային շահը սպասարկի: Սա ուղղակի խայտառակություն է: Անպայման բողոքարկելու ենք վերաքննիչ ատյան, և այն ուղղակի հիմք ու պատճառ չի ունենալու առաջին ատյանի որոշումը չեղյալ չհամարելու»:

Տաթև ՀԱՐՈՒԹՅՈՒՆՅԱՆ

Լուսանկարը՝ Վարդինե Գրիգորյանի

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Maxim says:

    Սա էլ հայ տղամարդու իսկական կերպարը,՝ մի պարկ աղբ:

Պատասխանել

Օրացույց
Հուլիս 2013
Երկ Երե Չոր Հնգ Ուրբ Շաբ Կիր
« Հուն   Օգո »
1234567
891011121314
15161718192021
22232425262728
293031